აპარატის უფროსი

ბესიკ ნერონის ძე ჭანტურია, დაიბადა 1974 წლის 29 ივლისს მარტვილში. 1997 წელს წარჩინებით დაამთავრა საქართველოს სუბტროპიკული მეურნეობის სახელმწიფო ინსტიტუტი აგროსამრეწველო კომპლექსის დარგთა ეკონომიკისა და მართვის სპეციალობით, კვალიფიკაცია ეკონომისტ-მენეჯერი.

1997-1998 წლებში მუშაობდა ქ. ქუთაისში, გაზეთ „ცხუმის“ რედაქციის ეკონომიკის განყოფილების კორესპონდენტად;

1998-1999 წლებში მსახურობდა საქართველოს შეიარაღებულ ძალებში;

1999-2001 წლებში ქ. ქუთაისში, გაზეთ „ცხუმის“ ეკონომიკის განყოფილების რედაქტორად.

2001-2004 წლებში იყო იმერეთის რეგიონში აფხაზეთის მთავრობის წარმომადგენლობის მრჩეველი დევნილ ახალგაზრდობის საკითხებში; 2005 -2007 წლებში ამავე წარმომადგენლობაში უფროსი სპეციალისტის თანამდებობაზე.

2007-2015 წლებში მუშაობდა იმერეთის რეგიონში აფხაზეთის ა/რ მთავრობის წარმომადგენლობაში დევნილებთან ურთიერთობის, სოციალურ საკითხთა და რეგიონული მართვის სამსახურის უფროსის თანამდებობაზე;

2015 წლის  01 ოქტომბრიდან დაინიშნა იმერეთის, გურიის, რაჭა-ლეჩხუმისა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობაში აპარატის უფროსის თანამდებობაზე.

ჰყავს მეუღლე  თამარ ფაჩულია, იურისტი და ორი შვილი.